Një ngjarje tronditëse ka ndodhur në fashtin Roskovec të Fierit, ku tre të rinj kanë rrëmbyer një 13-vjeçare dhe më pas kanë tentuar ta përdhunojnë. Ka qenë ndërhyrja e babait të vajzës, ai i cili i ka ndaluar të rinjtë të kryejnë aktin barbarë.
Sipas “Ballkanweb” 13-vjeçarja u mor me forcë nga tre të rinjtë, Redion Tereziu, 22 vjeç; Jorges Dosti, 24 vjeç dhe Marjus Çalameni 24 vjeç, të cilët më pas tentuan të kryejnë marrëdhënie me dhunë.
Babi i vajzës i shqetësuar për faktin se e bija ishte larguar prej disa minutash nga shtëpia është vënë në kërkim të saj dhe e ka gjetur në një banesë të braktisur jo shumë larg shtëpisë së tyre në fshatin Roskovec të Fierit. Mësohet se ai e ka gjetur të bijën në gjendje shoku dhe menjëherë pas kësaj i është drejtuar policisë.
Tre autorët, të cilët u larguan me shpejtësi nga vendngjarja, u arrestuan pas disa orësh nga forcat e policisë dhe tashmë po hetohen për rastin në fjalë.
Sipas banorëve të zonës mësohet se familja e vajzës është në një gjende ekonomike shumë të vështirë.
Burimi: Ballkanweb
