Një ditë pas shpërthimit apokaliptik në Bejrut që u krahasua me atë të Hiroshimës, kanë dalë pamje të ndryshme të momenteve tmerruese sesi e përjetuan njerëzit shpërthimin në kryeqytetin libanez.
Në një video të postuar në “Twitter” shihet një baba me fëmijën e tij në shtëpi, i cili nuk e lëshonte të birin e tij nga dora.
Duke u vërtitur nëpër shtëpi, ai e fut nën tavolinë dhe trupin e tij e kthen si mburojë për të.
Footage during the Beirut explosion from inside a civilian’s house of a dad in shock trying to protect his 6 years old child. #BeirutBlast @akhbar pic.twitter.com/GZtK8NTFLX
— Jenan Moussa (@jenanmoussa) August 4, 2020
Një tjetër video tregon një prift gjatë një meshe, i cili vrapon i tmerruar në përpjekje për t’i shpëtuar ndonjë goditjeje nga materialet që binin në kishë nga tronditja e madhe.
Mbi 100 njerëz kanë humbur jetën si pasojë e një prej shpërthimeve më të mëdha që ndodhi në Bejrut, ndërsa mijëra të tjerë janë plagosur në kryeqytetin libanez.
Shkaku i shpërthimit ishin mbi 2,750 tonë nitrat amoniumi që mori flakë kur një zjarr i ndezur siç duket nga një saldator u përhap në magazinën ku ishte ruajtur materiali në mënyrë të pasigurt për gjashtë vjet.
