Rreth orës 16:00 të se dielës u raportua në policinë italiane se, një person “i çmendur” bërtiste dhe hidhte sende nga ballkoni i shtëpisë.
Pas sinjalizimit u mësua se bëhej fjalë për të atin e showgirl-it të njohur, Belen Rodriguez, Gustavo, i cili kishte “ndryshime të mëdha të humorit”.
Ai u dërgua menjëherë në spital, sepse mjekët menduan se ishte e vetmja mënyra që ai të mund të qetësohej dhe të rikuperohej.
Gustavo Rodriguez nuk u denoncua nga fqinjët, sepse nuk kishte kryer asnjë krim, por ishin disa kalimtarë që për shkak të frikës njoftuan policinë.
Gustavo Rodriguez, i cili dikur ka qenë pastor, u transferua në Itali nga Argjentina pas lindjes së nipit të tij Santiago dhe i qëndroi pranë vajzës së tij në momentet më të vështira gjatë divorcit. Ai luan kitarë dhe violinë dhe shpesh ka qenë i ftuar në programet televizive, nga Festivali i Sanremos në emisionin e Maurizio Costanzo-s.
Prej disa kohësh në mediat sociale, thuhet se ai kërkonte ndarjen nga bashkëshortja e tij, Veronica Cozzani.
Burimi: Corriere
