Aktori shqiptar, Visjan Ukcenaj mbrëmjen e djeshme u bë baba për herë të parë. Bashkëshortja e tij, Jona solli në jetë një djali, i cili gëzon shëndet të plotë.
Lajmin e bukur të ardhjes në jetë të vogëlushit Visjani e dha vet mëngjesin e nëpërmjet një postimi të ndjerë në profilin e tij në Instagram.
“Mbrëmë Jona solli në jetë djalin tonë. Zoti na bekoi me një engjëll. Jam i lumtur që e ndaj dhe me ju gëzimin më të madh të jetës. Këtë gëzim që asnjë prind nuk mund ta përshkruaj me fjalë. Këtë gëzim që i jep kuptim jetës”, shkruante Visjani krahas fotos së ëmbël të vogëlushit.
Madje në një prononcim për “revistawho.com” Visjani ka zbuluar edhe emrin e veçantë të vogëlushit. Ata e kanë pagëzuar djalin e tyre me emrin Divin, i cili vjen nga frëngjishtja dhe do të thotë hyjnor.
