Vetëm pak ditë më parë reperja e njohur, Loredana humbi një nga personat më të shtrenjtë të jetës së saj, babanë.
Këto javët e fundit nuk kanë qenë aspak të lehta për këngëtaren pasi rikujtojmë se ajo u përfshi në një skandal të madh mashtrimi ku një çift zviceran e akuzonte për mashtrim, kërcënim e zhvatje.
Por megjithatë asgjë nuk krahasohet në jetë me humbjen e një personi aq të shtrenjtë saç është babai.
Reperja pothuajse çdo ditë ka bërë dedikime të ndjera për të, ndërkohë ditën e sotme, përpos dedikimit për të atin, Loredana ka dhënë gjithashtu një lajm që askush nuk e priste (të paktën këto ditë).
Edhe pse ka shumë pak ditë që babai i saj ka ndërruar jetë, reperja ka lajmëruar të gjithë se këtë të enjte në orën 23:59, do të publikojë këngën e saj të radhës të titulluar “Labyrinth”.
“Bab ti ke qenë gjithmonë krenar, dhe pse shkove të Zoti do e vazhdoj atë që e du me zemër, muzikën. Të dua bab!”- shkruan ajo, ndërkohë vetëm pak çaste më pas e fshiu postimin e saj, duke postuar një tjetër.
“Babë falenderoj Zotin që të paktën të la të shijoje fillimin e suksesit tim e tani e tutje do i jap edhe 1 herë më shumë mund vetëm për shpirtin tënd. Pusho i qetë. Unë do të bëj krenar!”- mbishkruan Loredana në foton tjetër të bërë publike.
