Kim Kardashian u bë nënë për herë të tretë në muajin janar, kur Chicago erdhi në jetë përmes nënës surrogate.
Ndryshe nga North dhe Saint, ylli i “Keeping Up With Kardashians” ka preferuar të vendosë dy emra për vogëlushen Chicago. Në një postim në “Instagram”, 37-vjeçarja shpërndau një selfie të ëmbël me Chicagon duke zbuluar edhe emrin e dytë të saj. Kim ka zgjedhur të vendosë të njëjtin emër që mban edhe ajo, Noel. “Chi – Noel” – shkruan Kim krahas fotos së postuar në Instagram së bashku me të voglën e saj.
Por ky emër nuk është aspak surprizë për fansat, të cilët dyshonin se ky do të ishte emri i vërtetë i vogëlushes përpara se ajo të vinte në jetë.
Gjatë intervistave, Kim u shpreh se kërkonte të njëjtën shkronjë si të North, ndaj dhe fansat komentonin se Noel do të ishte patjetër zgjedhja e Kim.
Sakaq, Omari është emri i dytë që mban edhe bashkëshorti i Kim Kardashian, Kanye West.
