Aktorja e njohur hollivudiane solli në jetë fëmijën e saj të tretë. 39-vjeçarja Kate Hudson ndau lajmin e ardhjes në jetë të vogëlushes të mërkurën, vetëm një ditë pas lindjes.
Ajo dhe partneri i saj 32-vjeçar, Danny Fujikawa, zgjodhën që ta pagëzonin të sapolindurën me emrin Rani Rose Hudson Fujikawa.
“Vendosëm ta quajmë Rani vajzën tonë (që thuhet Ronnie) sipas emrit të gjyshit të saj, Ron Fujikawa. Ron ishte një njeri shumë special që na mungon të gjithëve shumë. T’i vendosnim emrin e tij ishte një nder”, shkruhet në postimin e publikuar në Instagram nga aktorja.
Tre fëmijët e Kate kanë tre baballarë të ndryshëm. Ajo ka djalin 14-vjeçar Ryder me ish-bashkëshortin Chris Robinson, këngëtar i Black Crowes dhe babai i 7-vjeçarit Bingham është këngëtari i Muse, Matt Bellamy.
Burimi: Daily Mail
