Avokati i Lyle dhe Erik Menendez tha se vëllezërit janë optimistë se ata mund të shohin një lehtësim të dënimit pasi prokurori i qarkut të Los Angeles njoftoi se po e rimendon masën e dhënë.
Mark Geragos i tha ABC News “Good Morning America” se qëllimi i tij është që të ketë vëllezërit në shtëpi për Ditën e Falënderimeve.
Ndërsa prokurori i qarkut George Gascón tha se shpreson të ketë një seancë dëgjimore për dosjen brenda 30 deri në 45 ditëve të ardhshme, Geragos tha se ai mendon se do të ketë një seancë tjetër përpara kësaj.
Gascón rekomandon që të hiqet dënimi i përjetshëm i vëllezërve dhe në vend të kësaj ata duhet të dënohen për vrasje, që do të ishte një dënim prej 50 vjetësh deri në përjetësi. Për shkak të moshës së vëllezërve – ata të dy ishin nën 26 vjeç në kohën e krimeve – ata do të kenë të drejtë për lirim me kusht.
Vendimi përfundimtar i rigjykimit do të merret nga një gjyqtar dhe bordi i lirimit me kusht.
Vëllezërit patën një ndikim pozitiv ndërsa ishin në burg, pavarësisht se nuk kishin shpresa për të dalë ndonjëherë nga burgu. Ata u fokusuan në krijimin e grupeve për t’u marrë me trajtimin e traumave të patrajtuara, krijimin e grupeve për t’u marrë me të burgosurit e tjerë që kanë aftësi të kufizuara fizike dhe që mund të trajtohen ndryshe.
