Dentistja e njohur e VIP-ave, Olesia Duka u akuzuar para disa ditësh për mashtrimin e 11 biznesmenëve. Sot në studion e “News 24” ishte i ftuar avokati i Olesias, i cili u shpreh se stomatologia e njohur u fut në kurth nga 11 biznesmenët.
Avokati mbrojtës i Olesias u shpreh gjatë intervistës se klientja e tij është përdorur nga 11 biznesmenët për pastrimin e parave. Sipas tij gjithçka ishte e planifikuar dhe e organizuar dhe klientja e tij ra në kurth.
“Klientja ime është përdorur nga kjo shoqëri dhe në fillim është ofruar se ka pasur nevojë për vlera financiare. Ka qenë një konvertim i përditshëm i vlerave monetare, jo thjesht marrje borxhi, lekët kanë kaluar nga shoqëria AMA te shoqëria që ka Olesia. Këto para ata i merrnin në lekë, pra nuk ishte më marrëdhënie biznesi.
Klientja ime është përdorur nga të gjitha subjektet, të 11 janë të organizuar, kanë njohje me njëri-tjetrin dhe e kanë përdorur për pastrimin e parave që ato kanë pasur.
Olesia në bankë ka kaluar 135 mijë euro më shumë subjektit AMA”, u shpreh për “News24” Arben Llangozi, avokati mbrojtës i Olesia Dukës.
