Autoriteti Rrugor apel shoferëve: Ja ku duhet të përdorni zinxhirët

Autoriteti rrugor ka dhënë informacion mbi gjendjen e akseve kryesore të vendit pas reshjeve të dendura të dëborës që përfshinë vendin tonë dje.

Edhe gjatë natës në disa zona malore ka pasur reshje dëbore të shoqëruara edhe me temperatura të ulëta.

Lexo edhe :

Studimi: Tatuazhet mund të tregojnë inteligjencë dhe edukim të lartë

15:22 17/01/26

Tragjedia në Durrës: Gjykata lë në burg drejtuesin e aksidentit, 18-vjeçarja Vikena Greku përcillet për në banesën e fundit

15:09 17/01/26

ARRSH thotë se në Rajonin Verior pavarësisht reshjeve të dendura të borës në akset kryesore nuk ka probleme me qarkullimin. Ndërsa njoftohet se me zinxhir kalohet vetëm në 5 km e fundit të aksit Ura Çerenecit-Stebleve.

Po ashtu me zinxhirë kalohet vetëm në aksin Librazhd-Steblevë në 8 km e fundit.

Me zinxhirë kalohet edhe në rrugën Boboshticë-Dardhë, Korçë-Qafë Qarri-Ersekë.

Ndërkohë vazhdon hedhja e kripës nga kontraktori.

ARRSH i bën thirrje drejtuesve të mjeteve që të tregohen të kujdesshëm, të respektojnë sinjalistikën rrugore, të ecin me shpejtësi të reduktuar dhe të vendosin zinxhir në akset problematike.