Tragjedia që ndodhi në koncertin e saj mbrëmjen e së premtes preku jo vetëm fansat e Christina Grimmie, por të gjithë. Një ditë pas ngjarjes fatale policia lokale zbuloi identitetin dhe fotografinë e autorit të ngjarjes.
Ylli i “The Voice”, Christina Grimmie, u vra brutalisht pas performancës në një koncert në Florida ditën e së premtes. Ajo u qëllua nga Kevin James Loibl, 27-vjeçari kishte planifikuar krimin duke marrë pjesë në koncert, me qëllimin e vetëm për të kryer vrasjen.
22-vjeçarja, e cila u rendit e treta në konkursin “The Voice” për vitin 2014, u godit nga pesë plumba dhe mori dëmtime të rënda në kokë. Ngjarja ndodhi në kohë kur ajo po nënshkruante autografe për fansat në prapaskenë.
Njëra nga dëshmitaret ka thënë se Grimmie ishte tërësisht e gjakosur dhe se në momentin që u dërgua në spital, gjendja e saj shëndetësore ishte kritike.
Nga sulmi mbeti i shpërfytyruar edhe vëllai i saj, Mark Grimmie, i cili në një përpjekje për të shpëtuar motrën, u përlesh me vrasësin që kreu më pas vetëvrasje. Mark u falënderua nga policia pasi arriti të shpëtonte jetën e të gjithë fansave që ndodheshin pranë këngëtares. Ndërsa policia nuk zbuloi asnjë lidhje mes viktimës dhe agresorit.
Burimi: The Sun
