Mëngjesin e sotëm në Austri ka ndërruar jetë edhe një person tjetër nga Koronavirusi, duke shkuar në 2 numri i viktimave.
Mediat austriake bëjnë me dije se një 76-vjeçar, nuk ka mundur të mposhtë virusin, pavarësisht se ka marrë mjekimin e nevojshëm.
Në Austri deri më tani janë konfirmuar 959 persona të infektuar dhe 2 viktima.
Personi i parë ndërroi jetë më 12 mars dhe ishte 69 vjeç.
Ai kishte udhëtuar më herët në Itali, aty ku edhe ishte infektuar.
69-vjeçari vuante edhe nga disa sëmundje të tjera, të cilat u përkeqësuan pasi ai u infektua me COVID-19.
Nga dita e sotme, Austria ka hyrë në karantinë deri në datën 22 mars, duke mbyllur shkollat dhe janë pezulluar bizneset.
