“Epidema e Koronavirusit në Britani do të zgjasë deri në pranverën e vitit 2021 dhe mund të infektojë 7,8 milionë njerëz”!
Kështu shprehet “The Guardian” pasi publikoi një dokument ekskluziv të zyrtarëve të Shëndetit Publik (NHS).
Sipas këtij dokumenti, Koronavirusi do të qarkullojë për 12 muaj të tjerë dhe do shkaktojë një tendosje të madhe në sistemin e mbingarkuar shëndetësor.
Rreth 80% e britanikëve do të infektohen me Koronavirus gjatë kësaj kohe shkruan “The Guardian”, ndërsa thekson se katër në pesë persona pritet të infektohen me virusin Covid-19.
Profesori Chris Whitty, këshilltar i kryeministrit Boris Johnson, ka bërë thirrje të vazhdueshme për një betejë të gjatë ndaj urgjencës së koronavurist, por pa treguar afate.
Dokumenti i publikuar nga “The Guardian” fton mjekët në Britani të përgatiten për të kuruar rreth 15% të popullsisë në 12 muajt e ardhshëm.
Ekspertët që këshillojnë qeveritë në botë thonë se do ketë një kulm të rritjes së infeksionit gjatë 10-14 javëve të ardhshme dhe më pas një rënie.
Sipas përllogaritjeve, Koronavirusi pritet të arrijë kulmin nga mesi i qershorit, të qetësohet në muajt e verës dhe të rishfaqet në muajt e vjeshtës ose dimrit.
/The Guardian
