Shqipëria është një nga destinacionet më të nënvlerësuar në botës. Në një artikull të shkruar nga “Business Insider Australia”, Saranda është përfshirë në listën e vendeve që duhet të vizitohet.
Me titullin “40 destinacionet e nënvlerësuara në botë”, Shqipëria cilësohet si një vend tek i cili nuk tërheq vetëm vëmendjen riviera dhe plazhi, por edhe kultura, trashëgimia botërore pjesë të UNESCO-s, etj.
“Ndërsa ju do të gjeni eshtrat e një sinagogë të shekullit të 5 në vetë qytetin e Sarandës, një vend i Trashëgimisë Botërore të UNESCO-s që daton në kohët parahistorike ndodhet rreth 12 milje jashtë Sarandës. Vendi, Butrinti, gjatë historisë së saj funksiononte si një koloni greke, një qytet romak dhe një peshkop. Nëse preferoni të kapni disa rreze, disa nga plazhet më të njohura në zonë përfshijnë Plazhin e Pasqyrave, Santa Quaranta Beach dhe Plazhi i Pulëbardhës. ‘Fotot e një shoku te Pulëbardha Beach ishin shtysë për vizitën time në Shqipëri dhe ia vlejti shumë’, shkruan një përdorues i TripAdvisor”, thuhet në artikullin e BIA.
Destinacionet e tjera të përmendura në shkrim përfshijnë: Bergen Norvegji, ishullin Anguilla, Valparaiso në Kili, liqenin Bohinj në Slloveni, Teksas SHBA, Alberta Kanada, Pulian në Itali, La Roque-Gageac në Francë, shtetin e pasur të Liechtenstein, Extremadura në Spanjë, etj.
Kujtojmë se vetëm pak ditë më parë media zvicerane, “Tagesanzeiger”, theksonte se banorët e Zvicrës pritet të mbushin plazhet shqiptare vitin e ardhshëm. Arsyet lidhen me faktin se operatorët turistikë kanë shtuar si destinacion Shqipërinë në programin veror 2019, sipas medias.
Burimi: Monitor
