Këngëtarja shumë e dashur për publikun shqiptar Aurela Gaçe së fundmi ka shpërndarë një lajm të mirë për të gjithë fansat e saj.
Në llogarinë në Instagram ajo ka publikuar një video teksa shfaqet duke kënduar live, si çdo të premte dhe të shtunë në Tiranë, ku krah saj shkruan: “E di që jeni mësuar të jem pranë jush çdo të premte e të shtunë live në Tiranë, por deri në fund të sezonit, do të jemi vetëm të shtunave.”
Por prisni, sigurisht që nuk ishte ky lajmi i mirë!
Në vijim, Aurela ka zbuluar edhe arsyen e mungesës së saj të premteve dhe planet më të fundit në muzikë: “Më duhej më shumë kohë pranë familjes, më pak lodhje fizike, për të pasur mundësi të punoj edhe në këngë të reja…më saktë album të ri.”
Nuk na mbetet gjë tjetër veçse të presim!
