Këngëtarja Aurela Gaçe njihet për energjinë e saj dhe ‘shpërthimin’ në skenë. Mesa duket këtë ‘shpërthim’ ajo e tregon edhe jashtë skenës, në jetën e përditshme duke bërë palestër.
Në një video të publikuar së fundmi në “Instagram”, këngëtarja shfaq veten e saj gjatë ushtrimeve në palestër, ku mesa duket nuk e kursen për asnjë moment thesin në palestër.
Duke gjuajtur me goditje të forta pa pushim, Aurela me shaka në mbishkrimin e fotografisë tregon se kështu duhet vepruar kur e zë boksierin në cep të ringut.
“E keni parasysh ne ndeshje boksi kur e zë kundërshtarin tek cepi ? Mos e lër më të marrë frymë, bjeri “, shkruan ajo në mbishkrimin e fotografisë, teksa shfaq anën e saj eksplozive.
Duke iu përgjigjur komenteve të fansave një për një, Aurela shkruan se ka parë filmin e Rocky Balboa, ndaj i është futur thesit me grushte.
