Padyshim që energjia e Aurelës është thuajse e pashtershme dhe këtë gjë e tregon në të gjitha daljet publike, intervista apo performanca në skenë. Këngëtarja ka nisur një komunikim me fansat në profilin e saj në “Instagram”, ku zbulon edhe detaje nga jeta e saj dhe projektet e së ardhmes. Njëri nga fansat ishte shumë kurioz të dinte, se cili do të ishte profesioni i Aurela Gaçes, nëse nuk do të ishte këngëtare.
“Po të mos ishe këngëtare/aktore çfarë do të ishe.. apo e arratisur në kërkim nga policia?” – e pyet ndjekësi.
Dhe përgjigjen e saj, e marrim me mend të gjithë.
“Të kisha qënë çun? Patjetër që po, ajo e fundit.
Por Zoti vendosi të dilja gocë, edhe përveç këtyre që përmende, unë dua shumë stilimin, ose psh ta bëj kokën tullë edhe ikën në shtëpi e lumtur.” – u përgjigj këngëtarja Aurela Gaçe.
Aurela Gaçe publikon herë pas here foto me veshjet, të cilat ajo zgjedh t’i stilojë vetë. Këngëtarja jo vetëm kujdeset për veshjet, por edhe për flokët apo edhe make up-in dhe shfaqet gjithmonë me një paraqitje unike.
