Dhjetori është muaji që na fal më shumë dashuri. Këtë e ndjejmë në shtëpinë tonë me zbukurimet e festave të funditvit, por edhe në qytet me ndriçimin e rrugëve.
Tirana ndezi dje dritat e pemës së festave të fundvitit me të vegjlit e kryeqytetit dhe kryebashkiakun Erion Veliaj.
Ky moment iu bashkua hapjes së shtëpive prej druri, që rrethojnë pemën e festave në sheshin “Nënë Tereza” dhe vendosjen e lodrave, ku mund të shijoni ndonjë ushqim dhe fëmijët tuaj të argëtohen.
Por ky nuk është vendi i vetëm në kryeqytet i zbukuruar. Magjinë e festave përmes dritave mund ta ndiejmë edhe në “Rrugën e Kavajës” apo “Rrugën e Durrësit”, për të vijuar në bulevardin “Zogu i I” dhe përgjatë bulevardit “Dëshmorët e Kombit”.
