Plot 4600 kilogramë domate nga Shqipëria dhe Italia janë sekuestruar mëngjesin e sotëm në Athinë.
“Newsbomb” bën me dije se, niveli i pesticideve të përdorura ishte shumë herë më i lartë sesa i lejuari.
Menjëherë rreth 5 tonë domate janë tërhequr nga tregu dhe janë shkatërruar për të mos rrezikuar shëndetin e konsumatorëve.
Gjatë kontrollit u vu re se kompania përkatëse me shumë njësi shitjeje në Athinë ka shpërndarë në treg domate me kimikate të tilla, duke deklaruar se vijon kontrolli gjatë gjithë kësaj periudhe.
Reagon Ministria e Bujqësisë
Ministria e Bujqësisë ka reaguar në lidhje me lajmin e mediave greke për sasinë e domateve të asgjësuara, pasi ishin me pesticide.
Në një reagim, ky institucion thotë se nuk ka një raportim zyrtar në lidhje me këtë rast, ndërsa thekson se fakti që nuk është kapur në kufi, por në treg e bën të vështirë garancinë se domatja është shqiptare.
“Nuk kemi asnjë raportim në rrugë zyrtare në lidhje me sasinë e domateve të asgjësuara. Mediat greke flasin për një domate të gjetur në treg dhe jo në pikën e kalimit kufitar. Domatja e gjetur në tregun grek e bën të vështirë garancinë se ato janë shqiptare”.
