Rigers Gaxha është personi që mbeti i vrarë mbrëmjen e sotme në zonën e ish-Bllokut. Viktima po darkonte së bashku me dy personat e tjerë që mbetën të plagosur, Ervis Martinaj dhe Laert Hasaj kur në orën 21.50 u qëlluan brenda ambienteve të lokalit.
Viktima 26 vjeç, ishte truproja i Ervis Martinaj, i cili mbeti i plagosur gjatë atentatit dhe ndodhet jashtë rrezikut për jetën. Mësohet se Rigers Gaxha ka ndërhyrë në konflikt dhe ka mbetur i vdekur, pasi mori një plumb në qafë. Ekipet e posaçme kanë nxjerrë nga lokali trupin e pajetë të viktimës për ta transportuar në morg. Ndërkohë që Laert Hasaj është plagosur dhe transportuar në Spitalin e Traumës.
Martinaj është një emër i njohur për policinë, pasi është akuzuar për një vrasje në Dajt dhe është përfolur për një plagosje të një biznesmeni.
