Atentati që iu bë sot kryebashkiakut të Lishnjës, Fatos Tushe tronditi gjithë qytetin.
Nga informacionet e marra dyshohet se ish shoferi Gëzim Saraçi ka hyrë rreth orës 8 e 15 në zyrën e kryebashkiakut, ku pas disa minutash sekretarja e ka dëgjuar që midis tyre ka nisur një debat me tone të larta dhe ka hapur derën.
Në këtë moment Saraçi ka hedhur granatën dhe është larguar nga zyra. Pas shpërthimit sekretarja ka mare plagë në dorë në fytyrë e në këmbë.
Ndërsa Tushe ka mare një plagë në krahun e djathtë të kraharorit dhe në këmbë. Pas mjekimit që morën në spitalin e Lushnjës të dy të plagosurit u nisën drejt Tiranës për mjekim të specializuar. Sipas mjekëve të Lushnjës gjendja e tyre është jashtë rrezikut për jetën.
Shkaku
Për këtë ngjarje Poliíca ka shpallur në kërkim Gëzim Saraçin, ish- shoferin e bashkisë Lushnje, i cili është pushuar nga puna 5 vite më parë nga kryebashkiaku. Dyshohet se shkak i kësaj ngjarje janë mosmarrëveshjes përtej postit. Deri më tani si pistë kryesore hetimi është pikërisht një borxh i pashlyer i Tushes ndaj ish-shoferit Saraçi.
