Dyshja e njohur, Almeda Abazi dhe Tolgahan Sayisman janë një ndër çiftet më të komentuar të mediave jo vetëm shqiptare, por edhe atyre turke.
Ata ndajnë shpesh foto krah njëri-tjetrit, por nuk mungojnë as dedikimet romantike, edhe pa patur ndonjë rast të veçantë.
Almeda ka realizuar së fundmi sfidën e fundvitit “Show me a picture of” duke na zbuluar momente që s’i kishim parë më herët.
Kështu, ajo ka treguar foton e parë me Tolgahanin. Kjo foto është realizuar më 14 shkurt 2015, ditën e të dashuruarve. Almeda shihet teksa i dhuron një puthje aktorit turk e sigurisht shumë dashuri përçohet prej këtij momenti.
Ndërkohë, ajo ka zbuluar edhe bisedën me 39-vjeçarin kur ka zbuluar shtatzëninë e dytë.
Siç ka treguar bukuroshja shqiptare, ai ndodhej jashtë Stambollit asokohe dhe është detyruar t’ia dërgojë ekon me foto teksa reagimi i Tolgës është më i bukuri.
Dyshja kurorëzoi me martesë dashurinë në vitin 2017, ndërsa vitin e kaluar u bënë prindër për herë të parë të një djali që e quajtën Efehan.
Të voglin e kemi parë shpesh në llogaritë e prindërve në rrjete sociale dhe padyshim e gjithë dashuria dhe vëmendja e çiftit është tek ai.
Ndërkohë më 25 nëntor ata treguan në rrjetet sociale se janë në pritje të ëmbël të fëmijës së dytë dhe ata janë në qiellin e shtatë nga lumturia.
Dysha zgjodhi tre poza për të dhënë lajmin e bukur, ku shfaqeshin në kopshin e shtëpisë dhe mbanin me dorë barkun tashmë të rrumbullakosur.
Disa javë më pas ata treguan se do bëhen ne një vajzë dhe padyshim s’mund të ishin më të lumtur se kaq.
