Këngëtarja e talentuar dhe shumë e dashur nga publiku Anxhela Peristeri ditën e sotme ishte e ftuar në emisionin “Thumb” prej ku tregoi një histori mjaft interesante.
Ajo kishte qenë duke kënduar në një dasmë në Maqedoni, ndërkohë të nesërmen në një mënyrë mjaft të papritur kishte marrë propozimin për martesë nga dhëndri:
“Në Maqedoni burrat marrin edhe dy gra ndonjëherë. Dhëndrin e martuam një ditë para, ditën tjetër e pashë në supermarket. Ku je o loçkë më tha mua, do të të mbaj në pëllëmbë të dorës, mbretëreshë do të të kem, të martohemi bashkë? I thashë, po ti dje u martove! S’ka gjë tha, ajo është për shpi, ti je për qejf!”
Ndërsa, e pyetur nëse është apo jo e lidhur me këngëtarin e njohur Mateus Frroku, Anxhela ka deklaruar se nuk ka asgjë mes tyre dhe se janë thjesht dy kolegë të mirë.
