Sot në “Wake UP” ishte i ftuar Atdhe Xharavina, ish-konkurrenti i “Për’puthen”, i cili ka bërë bujë nëpër portale duke u përfolur për lidhjet e tij të mundshme.
Ai ishte i nervozuar për këtë fakt duke treguar se të gjitha janë supozime koti dhe se e kanë bërë të lidhur me vajza, pa qenë realisht i lidhur me asnjë prej tyre.
Atdheu ka treguar se këto gjëra po ndikojnë negativisht në jetën e tij dhe se nuk është fare siç përshkruhet në media, por përkundrazi e konsideron veten si djalë për shtëpi që i bën të gjitha vetë.
Ish-konkurrenti ka treguar se gjithashtu është i dashuruar, por nuk mund të jetë me të pasi ajo s’ka siguri se ka krijuar një imazh të keq:
Kur e hodha këtë story, më shkruajtën shumë mesazhe që na thyve zemrat. E morën sikur jam në lidhje dhe i them që rrini të qeta se jam single. Unë jam i dashuruar, por nuk jam me atë gocën. Është dikush që e dua por nuk jam me të. Besoj se e njeh se Tirana është e vogël. Nuk jeton në Tiranë, por është e njohur. Nuk është xheloze, por nuk ndjen siguri. Akoma sheh Atdheun e Për’puthen. Jemi njohur përpara dhe tani ka krijuar një ide, dhe pse më njeh ndryshe. Jam impenjuar, por nuk ka funksionuar. Do e lë, do vuaj një kohë të gjatë.,- tha ai.
