Askush nuk i “lë në hije” Princin Harry dhe Meghan Markle, përveç dikujt. Kush tjetër përveçse mbretëreshës Elizabeth?
Kur dyshja do të zbarkojë në Mbretërinë e Bashkuar javën e ardhshme për të qenë të pranishëm në festimet e Jubileut Platinum të Mbretëreshës, ata do të marrin një vëmendje të pakët për katër ditë, shkruan pagesix.
Mirëpo, thuhet se Princ Harry dhe Meghan sërish do të ‘vjedhin’ vëmendje, me fëmijët e tyre, Archie, 3 vjeç dhe Lilibet, e cila do të mbushë 1 vjeç më 4 qershor.
Mbretëresha gjithashtu do të takohet me dy të vegjëlit.
“Hera e parë që do të shihni vërtet Meghan dhe Harry-n në publik gjatë festimeve do të jetë të premten, ku ata do të jenë vetëm një pjesë e turmës së ulur në një stol të kishës,” tha një burim mbretëror për The Post.
Historiani dhe autori i njohur, Hugo Vickers theksoi se vëmendja duhet të përqendrohet te Mbretëresha.
“Unë do të doja që gjithçka të përqendrohet tek ajo – sa më pak shpërqendrime të ketë, aq më mirë, sinqerisht.”
Një tjetër burim i brendshëm i familjes mbretërore ka thënë se Mbretëresha do të takohet privatisht me Lilibet.
“Ata nuk do ta prezantojnë Lilin me Mbretëreshën në publik, kjo është e sigurt.”
Harry, 37 vjeç, dhe Markle, 40 vjeç, e panë për herë të fundit mbretëreshën në prill, duke bërë fshehurazi një ndalesë në Mbretërinë e Bashkuar përpara se të largoheshin drejt Holandës.
Ishte hera e parë që Markle ishte kthyer në Mbretërinë e Bashkuar që nga marsi 2020, kur ata lanë detyrat e tyre mbretërore dhe u larguan nga vendi.
