*Sqarim: Artikulli nuk lidhet me asnjërin nga artistët, të cilët janë të distancuar nga problematika, por me vendimin absurd të qeverisë!
Për rikujtesë
Në korrik, qeveria vendosi për mbylljen e klubeve të natës, diskove, si dhe lounge bareve në ambient të hapur apo të mbyllur, duke i goditur keq këto biznese në vend, për vetë faktin se ishte një vendim shumë i paqartë dhe i pastudiuar (lexo këtu). Pjesë e vendimit ishte edhe ndalimi i muzikës pas orës 20.00 në të gjithë mjediset e shërbimeve të çfarëdolloji. Mosrespektimi i këtij detyrimi nga subjektet, dënohet me gjobë 1 000 000 lekë dhe në rast përsëritje, me pezullim te aktivitetit për një periudhë gjashtë mujore.
Kush e pësoi?
Bizneset e vogla janë ato që po i vuajnë më së shumti pasojat e krizës ekonomike nga pandemia e koronavirusit, dhe situata është vërtet shqetësuese. Në një komunikim për “iconstyle.al”, kryetari i Shoqatës së Lokaleve dhe Restoranteve, Enri Jahaj bëri me dije se çdo ditë po mbyllen bizneset e vogla familjare, të cilët janë edhe më të prekurit pas mbylljes së detyrueshme që nga muaji mars deri në maj.
Sipas burimeve për “iconstyle.al”, 3 deri në 5 biznese në ditë po mbyllen dhe situata pritet të përshkallëzohet pasi kjo është vetëm vala e parë. Të gjunjëzuar nga pandemia globale dhe me vendimin e nxituar të qeverisë për ndalimin e punës në këto biznese, situata duket se po përshkallëzohet drejt një krize të madhe.(Lexo këtu)
Ç’po ndodh rreth nesh?
Duke qenë se muzika është e ndaluar pas orës 20:00, artistët janë detyruar të performojnë ditën dhe situata në lokale dhe clube është kjo:
https://www.instagram.com/p/CDbtFChACz4/?igshid=qee43dnr54p4
https://www.instagram.com/p/CDYfZS9AnQP/?igshid=fv7jw1lzqemj
A ja vlejti barra qiranë?
Pas këtyre pamjeve lindin një sërë pyetjesh: A e sheh qeveria çfarë ndodh ditën, apo vetëm natë? Mos vallë virusi del vetëm pas orës 20:00? Pse lokalet e natës konsiderohen të rrezikshme dhe ato të ditës jo? Pse nuk merret masa edhe kundrejt kësaj situate që po denoncohet çdo ditë nga mediat?
Padyshim që me këto pamje të trishta dhe shqetësuese nuk ia vlejti fare barra qiranë që u sakrifikuan qindra biznese dhe familje dhe në fund nuk u arrit gjë. Nëse qeveria nuk e di le ta mësojë se dita mund të jetë edhe më e rrezikshme se nata dhe provat i ka të qarta…
Çfarë duhet të bëjmë ne?
Duke qenë se shteti po rend drejt politikës, me vendimet e pakuptime që nuk i japin përparësi jetës së qytetarëve, ajo që na ka mbetur të bëjmë është të NDËRGJEGJËSOHEMI! Duke parë numrin e viktimave dhe të infektuarve gjithnjë në rritje duhet të jemi të vetëdijshëm se po sakrifikojmë SHUMË për PAK. Po hedhim tutje shëndetin tonë dhe të të tjerëve, 3 muaj izolim, mundin e mjekëve për vetëm disa minuta argëtim. Padyshim që të gjithë e kemi këtë të drejtë, synimi është të gjejmë mesin e artë dhe të balancojmë dy anët me njëra-tjetrën: SHËNDETIN dhe ARGËTIMIN. Ndonëse paguajmë taksat për institucionet drejtuese që supozohet se duhet të luajnë rolin e rregullatorit ja që këtë gjë duhet ta bëjmë vetë. Bota po bërtet me të madhe: MASKA dhe 2 METËR DISTANCË FIZIKE.
Rikthejmë në vëmendje: Thirrja e Imzot George Frendo që duhet brohoritur!
Presidenti i Konferencës Ipeshkvnore të Shqipërisë dhe Kryetar i Këshillit Ndërfetar të Shqipërisë, Mons. George Frendo, i cili me anë të një statusi në Facebook i ka bërë apel shtetit për masa më të forta për situatën e krijuar në vend nga koronavirusi.
Me të drejtë, ai shprehet se kur numri i të infektuarve ishte shumë më i vogël, u dhanë shumë urdhra për të shmangur rreziqet, ndërsa tani kemi frikë se më shumë kufizime do të krijojnë probleme për ekonominë e vendit.
Ai pyet se çfarë duhet të ketë përparësi, ekonomia, apo shëndeti i popullit dhe citon eprorin gjeneral të jezuitëve se koronavirusi është një kërcënim jo vetëm për jetën njerëzore dhe për punët, por edhe për demokracinë.
Pavarësisht se të gjithë kaluam një periudhë të keqe gjatë izolimit dhe ekonomia është e dërrmuar, vlen të theksohet se në situata të tilla qeveria duhet të jetë më e kujdeshme dhe t’i bëjë mirë llogaritë, duke vendosur në peshore edhe shëndetin e qytetarëve, edhe ekonominë dhe duke hequr politikat që i interesojnë.
Padyshim, ajo që pretendojmë nuk është rikthimi i karantinës, por marrja e disa masave të nevojshme në raste të tilla, kur epidemia po bëhet gjithnjë e më e egër.(Lexo këtu)
