Vajza e Kim Kardashian dhe Kanye West, North, është një ndër fëmijët më të njohur në mbarë botën dhe rol në famën e saj nuk luajnë vetëm prindërit!
North ka një tip aq të shkathët e çapkën, sa i ka bërë të gjithë për vete. Kim ka një lidhje të veçantë me të bijën, të cilës që në moshë të vogël i ka dhënë lirshmëri të madhe në të veshur, në makeup e gjithçka tjetër.
Ndaj, North ka fituar kaq shumë pavarësi sa sillet tashmë si një vajzë e rritur. Madje, ajo ka nisur t’i japë këshilla mamasë së saj, Kim Kardashian, për look-un që duhet të realizojë në fotot e fundit që do të shkrepë.
Kim ka ndarë në llogarinë e saj në Instagram foton e së bijës, e cila ka eksperimentuar me makeup-in për t’i dhënë ide të ëmës, ndërkohë që ka tentuar të bëjë edhe një “plagë” me letër të ngjitur në fytyrë e të lyer me pudër. Premisat për t’u bërë një makeup artiste janë të larta!
“E vogla ime kreative! North po provonte disa pamje me makeup, të cilat mendon se duhet t’i provoj në fotot e mia. Ajo gjithashtu provoi efekte speciale me truqe grimi, përdori një ngjitës në faqe dhe e leu me pudër, që të dukej si plagë. Më pëlqen të shoh pamjet që ajo krijon!”- shkruan Kim.
View this post on Instagram
“Do të doja të kisha një mama që do të jetë krenare për mua po të ngjis letër në faqe.”- shkruan dikush me humor në postim, duke marrë vëmendjen e të gjithëve.
