Murgesha franceze e quajtur Lucile Randon është personi më i vjetër në Europë që i ka mbijetuar virusit Covid-19.
Ajo ka lindur në vitin 1904 dhe këtë javë do të festojë 117 vjetorin e lindjes.
Motër Andrée rezultoi e infektuar me Covid-19 muajin e kaluar në shtëpinë e të moshuarve Sainte-Catherine Labouré. Në shtëpinë e të moshuarve, 81 nga 88 të moshuarit u prekën nga virusi, ndërsa fatkeqësisht 10 prej tyre ndërruan jetë.
Sipas mediave të huaja, murgesha nuk kishte pasur simptoma të Covid-19, mirëpo kishte qëndruar e izoluar në dhomën e saj dhe nuk kishte marrë pjesë në meshë, për të mos pasur kontakte me askënd.
Stafi i shtëpisë së të moshuarve u tregoi gazetarëve se i vetmi ‘shqetësim’ i 117-vjeçares kishte qenë vetmia.
“As që e kuptova se e kisha,” tregoi e moshuara për gazetën “Var-Matin”.
Nuk u frikësova sepse nuk kisha frikë të vdisja. Jam e lumtur që jam me ty, por do të dëshiroja të isha diku tjetër – të bashkohesha me vëllain tim të madh, gjyshin dhe gjyshen time.”- shtoi ajo.
Zëdhënësja e shtëpisë së të moshuarve tregoi për mediat se Motër Andrée ishte treguar trime ndaj virusit.
“Ajo nuk më pyeste për shëndetin e saj, por për rutinën. Donte të dinte për shembull nëse vaktet do të ndryshonin. Ajo nuk tregoi frikë nga sëmundja. Në fakt, ishte më e shqetësuar për banorët e tjerë,”- tregoi zëdhënësja,
