Rudina Dembacaj ka marrë porpozimin më të bukur për martesë nga Mark Frtoku dhe i ka thënë “Po” përgjithmonë. Propozimi ka ardhur si një surprizë e vërtetë për Rudinën, pasi Marku kishte përgatitur vetë gjithçka në detaje. Aktorja ka zbuluar se ai i ka propozuar në një nga vendet më të bukura të Turqisë, Cappadocia, dhe momentin më të bukur të jetës e kanë fiksuar përmes disa fotografive.
“I kishe menduar të gjjtha, çdo moment, çdo detaj dhe ja dole mbanë, të më surprizoje dhe të mē bëje kaq të lumtur sërish… As në ëndrrat më të bukura nuk e kisha imagjinuar kaq perfekt këtë moment. Falemnderit Zotit që të kryqëzoi në jetën time! Të dua shumë! P.S. I thashë PO!”, ka shrkuar Rudina duke treguar se porpozimin e ka marrë në datë 22 shtator.
Në fillim të këtij viti, Dembacaj konfirmoi lidhjen me Frrokun, duke postuar për herë të parë në rrjete sociale një foto përkrah tij.
Në rrëfimin e parë për lidhjen me Markun, aktorja tregoi se kjo marrëdhënie nisi pas ndarjes së saj nga ish-bashkëshorti, Aleksi.
“Ditën e dytë të vitit, unë dhe Marku udhëtuam dhe e kapa veten duke ulur kokën në aeroport që të mos më njihnin. Nuk ja lejoja dot vetes. Nuk kam pse ta fsheh dashurinë thashë me vete, ne ndihemi shumë mirë me njëri-tjetrin, pse ta fsheh? Mua më pëlqejnë gjërat e drejtëpërdrejta. Se jam person publik s’do të thotë që do ndryshoj karakter.”, u shpreh Rudina.
Para disa kohësh e ftuar në emisionin “Rudina”, aktorja konfirmoi se së shpejti do të martohej me ish-deputetin.
“Unë e dashuroj Markun dhe sigurisht që do martohemi. Nuk është që kemi diskutuar pa fund për këtë, ne e kemi marrëdhënien familjare që tani, por sigurisht që do martohemi”, tha Rudina dhe ja ku jemi sot me një unazë në gisht!
