Dhunoi fizikisht 3 vajzat e tij, pranga babait 44-vjeçar

Një baba 44-vjeçar është vënë në pranga nga Policia në Tiranë, pasi ushtronte dhunë fizike dhe psikologjike ndaj 3 vajzave të tij.

Gjykata e Rrethit Gjyqësor Tiranë kishte vendosur lëshimin e urdhrit të mbrojtjes për vajzat e tij, por 44-vjeçari ka shkelur vendimin dhe ka shkuar në banesë, ku ka dhunuar të bijat.

Lexo edhe :

The protest is bigger than the resort, but now it needs structure

13:13 15/06/26

Tragjedi e tmerrshme në Brazil/ Harrojnë t’i lidhin litarin e sigurisë, 21-vjeçarja hidhet nga ura dhe bie 40 metra drejt vdekjes

08:03 14/06/26

“Nga specialistët për Hetimin e Krimit në Komisariatin e Policisë Nr. 5 u bë arrestimi në flagrancë i shtetasit F. H., 44 vjeç, pasi në rrugën “Sadik Stavaleci”, Babrru, në banesë, ka ushtruar dhunë fizike dhe psikologjike ndaj 3 vajzave të tij”, njofton policia.

Po ashtu specialistët për Hetimin e Krimit në Komisariatin e Policisë Nr. 6 bënë arrestimin në flagrancë të shtetasit Xh. C., 44 vjeç, pasi në fshatin Pezë Helmës, në banesë, ka ushtruar dhunë fizike dhe dhunë psikologjike ndaj bashkëshortes së tij, së cilës iu plotësua kërkesë-padia për lëshimin e menjëhershëm të urdhrit të mbrojtjes.