E kuptoj që bota jo gjithmonë do të ndajë të njëjtat shije me mua kur flitet për orët, por ka disa që nuk të ikin nga mendja. Pavarësisht nëse je një vajzë/djalë klasik apo sportiv, ky aksesor duhet të jetë gjithmonë me ne.
Ndoshta na bashkon ideja që nuk vendosim orë të ekzagjeruar, por të gjithëve na lidh një trend së fundmi, ai i orëve të holla.
Kështu që për momentin jemi në gjurmim për më të mirat e më të mirave.
Orët super të holla hynë në modë këtë vit, por ndoshta duam një detaj të veçantë, që lidhet me materialin.
Me një trashësi prej vetëm 5.8 milimetër, koleksioni “SKIN Irony” i “Swatch” sjell orët prej çeliku inoks të rafinuar, me stilin modern me zinxhirin e ndërthurur apo silikonin e butë.
Asgjë nuk më jep më shumë flutura në stomak, sesa një orë e mrekullueshme.
Pse? Sepse kompleton një veshje darke apo qoftë edhe një veshje bazike, si pantallona dhe bluzë.
Minimaliste?
Dizajni i pastër dhe minimalist i “SKINROSEE” është i përsosur për ato që duan orët e veçanta.
Ngjyra rozë e ëmbël dhe detaji i fushës në nuancën e artë janë kombinimi më gjenial.
Hiqni dorë nga orët e dëmtuara apo ato pa shkëlqim, për t’i hapur vend koleksionit më të ri të “Swatch”, që e gjeni në dyqanin te Qendra Metropol dhe TEG.
Modernë?
Këto dy ora janë projektuar për t’i shkuar përshtat trendeve të momentit, ndërsa eksplorojnë format dhe ngjyrat.
Trego stilin tënd me orën “SKINBOOT” në kyç. Rripi i ndërthurur i argjendtë miksohet aq bukur me fushën kafe në të artë.
Ndërsa ora “SKINCOAL” është ajo që nuk i ikën kohës në asnjë moment. Sportive dhe e hijshme, në të ndërthuret e zeza, ngjyra e argjendtë dhe grija.
Burimi: Iconstyle.al
