Archie Harrison është vogëlushi i parë i Dukës Harry dhe Dukeshës Meghan Markle, i cili që prej lindjes së tij u kthye në një ndër bebushët më të njohur e të komentuar në mbarë botën.
Ai i bëri të gjithë për vete me ëmbëlsinë e tij dhe publiku priste me padurim të shihte në daljet e tyre Meghan, Harry-n dhe Archie-n, të cilin në fakt e kanë mbajtur larg syrit të mediave.
Archie po rritet dita ditës, mirëpo shumë pak foto të tijat kemi në rrjet.
Në një intervistë për James Corden, Harry ka rrëfyer shumë nga jeta private, ka folur për bashkëshorten dhe djalin, largimin nga pallati mbretëror si dhe për serialin “The Crown”.
Ndër të tjeta, Duka tregoi cila kishte qenë fjala e parë e Archie-t dhe u shkrimë së qeshuri! I vogli s’ka thënë as ‘mama’, as ‘baba’! Fjala e tij e parë ka qenë pikërisht ‘krokodil’! Të çuditshëm janë fëmijët, apo jo?
Përsa i përket vendimit për t’u larguar nga Pallati Mbretëror, Harry u shpreh:
“Unë bëra atë që çdo bashkëshort dhe çdo baba do të bënte. Thashë duhet ta nxjerr familjen që këtu, por kurrë nuk u largova përfundimisht sepse do të vazhdoj të kontibuoj”.
Gjithashtu, Harry foli për serialin “The Crown”.
“Është pak a shumë i bazuar tek e vërteta. Sigurisht që nuk është plotësisht i vërtetë, por të jep pak idenë e jetesës në pallat dhe detyrave që ka familja mbretërore. Më pëlqen më shumë të shoh The Crown sesa historitë që shkruhen për familjen time, bashkëshorten ose për mua”.
Në fund të pranverës, Meghan dhe Harry do të bëhen prindër për herë të dytë, pasi Dukesha është sërish në pritje të ëmbël. Kështu, Archie do të bëhet vëlla i madh.
