Ndjeheni të pasigurta për një tipar ose pjesë të trupit tuaj? Epo ekziston një operacion plastik që mund ta rregullojë.
Tashmë kanë ikur ditët kur të vetmet ndërhyrje që bënin femrat, ishin për të zmadhuar gjoksin ose të pasmet. Zvogëlimi i veshëve, rimodelimi i krahëve dhe rindërtimi i kofshëve, nuk përjashtohen nga lista e ndërhyrjeve që sa vjen edhe bëhet më e madhe.
Tani, trendi më i fundit i operacioneve plastike është rimodelimi i kërthizës. Kirurgët kozmetikë raportojnë një rritje të kërkesave për këtë procedurë të njohur si “umbilicoplasty” në përpjekje për të arritur “barkun e përsosur”.
Ndërhyrja përfshin riformësimin ose ridimensionimin e zonës së kërthizës duke hequr ose shtrirë lëkurën përreth.
Duke folur për The Independent, mjeku kozmetik Dr Esho zbuloi se ka parë një rritje të kësaj ndërhyrjeje.
“Unë e shoqëroj këtë rritje kërkesash, me trendet e modës ku njerëzit tani ndihen më rehat duke treguar stomakun e tyre veçanërisht në fotografitë e mediave sociale”, shpjegoi ai.
Megjithatë kjo procedurë ndiqet jo vetëm për arsye të veshjes apo zhveshjes, por edhe në rast nevoje pas lindjes ose humbjes në peshë.
Burimi: The Independent
