Ellen DeGeneres ka treguar për herë të parë dramën më të madhe që ka kaluar kur ishte adoleshente!
Moderatorja e njohur ka zbuluar se është sulmuar seksualisht nga njerku i saj kur ishte 15-16 vjeçe. 61-vjeçarja tha se ai i kishte prekur disa herë gjoksin duke pretenduar se po e kontrollonte për ndonjë masë tumoriale.
Nëna e Ellen-it, Betty, e cila është operuar nga kanceri i gjirit, fillimisht nuk e besoi të bijën kur i tha për ngacmimin seksual.
“Ai më tha kur ishte jashtë qytetit se kishte ndjerë një gungë në gjoksin tim dhe duhet ta shihte sërish.
Unë nuk merrja vesh nga trupi i njeriut, nuk e dija se gjinjtë janë të ndryshëm. Gjithsesi, ai më bindi se duhet t’i prekte gjinjtë e mi dhe pastaj e bëri dhe një herë tjetër dhe pastaj dhe një herë tjetër”.
Më pas moderatorja tregoi sesi ai u përpoq të hynte me zor në dhomën e saj dhe puna do të shkonte më larg sesa thjesht një prekje, ndaj ajo u hodh nga dritarja për t’u larguar.
“Nuk doja t’i thoja mamit sepse e dija që do të mërzitej dhe unë po e mbroja atë”.
Megjithatë pasi i tregoi, e ëma nuk e besoi Ellen dhe qëndroi për 18 vjet me bashkëshortin. Kur pa që ai po e ndryshonte versionin e historisë disa herë, atëherë e kuptoi që e kishte gënjyer dhe i kërkoi falje të bijës.
