Një deklaratë nga ana e Wanda Nara-s, ku njoftonte se është ndarë përfundimisht nga futbollisti Mauro Icardi, iu dha fund thashethemeve që qarkullonin prej kohësh se dyshja nuk janë më me njëri-tjetrin.
Ndonëse në fillim ishte Icardi ai që nuk e pranonte ndarjen, së fundmi në disa mesazhe që futbollisti ka ndarë në Instagram është aktorja që akoma interesohet për të.
Në fotot e publikuara sulmuesi i ‘Galatasaray’ tregon se Wanda akoma e pyet ku është, pse del.
“Tani do të kontrollosh jetën time edhe pasi të jemi ndarë?” Sepse ti je gënjeshtar, i martuar edhe beqar,”-u përgjigj Wanda Nara . “Ne jemi të njëjtët!” ka shkruar Icardi.
Biseda vijon më tej me Narën e cila e pyet: Nuk don të më thuash ndonjë gjë? Në rregull ti e di.
Dhe futbollisti që i thotë që është shumë toksike. Mesa duket Icardi po e shijon këtë pjesë pasi fill pas bisedës publikon një foto duke “puthur” nënën e fëmijëve të tij.
“Më duket shumë e dhimbshme ta jetoj këtë moment. Por falë ekspozimit tim, gjërave që tejkalojnë dhe spekulimet e mediave, unë mendoj se është më mirë që ju ta dini atë nga unë. Unë nuk kam asgjë tjetër për të thënë dhe nuk do të jap më shumë detaje në lidhje me këtë ndarje. Unë ju kërkoj ju lutem të kuptoni pozicionin tim, jo vetëm për mua, por edhe për fëmijët e mi,”-shkruante Wanda në postimin kur njoftoi ndarjen.
Kohët e fundit, ata të dy kishin nënshkruar tashmë letrat e divorcit pas ‘problemeve serioze’ midis tyre. Ata u pajtuan më pas, por tani duket se martesa e tyre ka përfunduar plotësisht dhe nuk ka kthim mbrapa.
Kujtojmë që Wanda dhe Icardi janë prindër të dy fëmijëve gjithashtu.
