Zhvendosja e godinës së Teatrit Kombëtar është shndërruar në një “mollë-sherri” mes qeverisë dhe artistëve, të cilët janë ndarë në dy kampe. Një debat i zhvilluar mes Gëzim Kames dhe regjisorit Altin Basha në emisionin “Top Show” është bërë shkak për nisjen e një sherri publik mes familjes Kame dhe aktores Ema Andrea.
Gjatë debatit Gëzim Kame në një farë mënyre u shfaq hapur në krahë të ministres mbi çështjen e teatrit, ndërsa Ema në një status në “Facebook” ka mbajtur anën e regjisorit Basha.
“Statuset e mia janë më të fuqishme se karrigia jote që e mbron duke dal kundër idealit. Statuset e Kryeministrit bëjnë tituj portalesh, vetëm kaq! Statuset e artistëve në çfarëdo media bëjnë histori! Kujdes me ironin drejtor arti politik! Sbëj Ave askujt! Shumë djersë për pozicionin Ave që tregojnë barcaleta për titullarët aristiko politik! Me ca çorape nëpër këmbë (dmth spiunw kafenesh) me që s’kam mjetet delirante të pushtetit drama queen”, ka shkruar Ema si reagim ndaj qëndrimit të Gëzim Kames në lidhje me çështjen e teatrit.
Menjëherë pas këtij statusi kanë shpërthyer komente të shumta të cilët përkrahnin Emën dhe dilnin kundër artistit Gëzim Kame.
Madje në një koment ka reaguar përsëri Ema.
“Komunist që ka përfitu gjithë jetën! Edhe tani njësoj…lëpi lëpi se diçka do të fitosh”, shkruan Ema.
Pikërisht ky koment ka nxitur djalin e Gëzim Kames, Genti Kame, artist në mjaft filma francezë dhe italianë, të reagojë me një status fyes ndaj aktores Ema Andrea. Ai e ka quajtur aktoren dështake që dëshiron të bëhet drejtoreshë teatri me lajme “Facebook”-u.
