Aktorët e Teatrit Kombëtar kanë protestuar projektligjin e Ministrisë së Kulturës që parashikon zhvendosjen te Turbina.
Aktori i mirënjohur Bujar Asqeriu mbajti një fjalim mjaft prekës për mediat, që tregonte realitetin e hidhur për artistët në Shqipëri dhe mjerimin e tyre.
Asqeriu tha se ministria nuk e kupton se çfarë është artisti, ndërsa kujtoi se aktori Bujar Lako u largua nga kjo botë në kushte të këqija pasi jetonte në një dhomë 50 metra katrorë.
“Refleksionet nga qeveria e ministria duket që janë të vakëta mos me thënë të ftohta. Këtu nuk e kuptojnë në thelb çfarë është artisti. Ky është vlerësimi që i bën shteti shqiptar këtyre artistëve. Neve na fusin në vrimën e miut, atje në hidrocentral, se hajdutët nuk na lënë lekë”, tha aktori.
“Artisti më i mirë merr një rrogë sa nëpunësja më e ulët e shtetit. Zoti i paftë ata që vjedhin, ia kam lënë Zotit. Nga jeta ikën artistët më të njohur dhe askush nuk e çau tr*pin për ta. Ky vend qeveriset nga hajdutë, që vjedhin edhe 100 lekëshin e dosjeve dhe stilolapsave dhe ne na hedhin një kockë dhe tallen me ne”, vijoi Asqeriu.
Për më tepër dëgjoni videon e mëposhtme:
