Noizy numëron me qindra mijëra fansa në trojet shqiptare dhe jo vetëm, të cilët e surprizojnë shpeshherë. Kësaj radhe, ka qenë vetë reperi ai që e ka befasuar fansin e tij më të veçantë.
Noizy ka publikuar në Tik Tok-un e tij një ndër momentet më emocionuese të karrierës ku shfaqet nga prapaskenat e një prej koncerteve të tij teksa surprizon një djalë me aftësi ndryshe.
Në një çast është vënë re që reperi i dhuron edhe një bluzë, nga linja e tij e veshjeve “Illyrian Blood Line” dhe emocionet e djalit shtohen edhe më shumë, i cili i dhuron shumë përqafime.
Mes ndjenjave të forta, ky takim e emocionoi jo vetëm reperin e fansin e tij, por të gjithë publikun dhe sa bukur është kur artistët nuk janë të tillë vetëm në skenë, por edhe pas saj.
“Kujtimin s’bon me ma nguc”, ka shkruar Noizy krahas videos, si një kërkesë ndaj të gjithë ndjekësve.
Fansat e Noizy-t janë të shumtë në numër dhe aq të zjarrtë saqë dikush ka gdhendur në trup portretin e tij. Më herët, reperi ndau në InstaStory një foto të krahut të një fansi të zjarrtë, i cili kishte realizuar portretin e Noizyt.
