Mbrëmjen e djeshme është ndarë nga jeta në moshën 91-vjeçare dramaturgu dhe skenaristi i njohur Neil Simon.
Ndarja e tij nga jeta u njoftua nga publicisti Bill Evan, i cili spekuloi se shkaku i vdekjes së tij kishte të bënte me sëmundjen e rëndë të pneumonisë. Ai gjithashtu bëri të ditur se Simon kishte pasur edhe sëmundjen e Alzheimerit.
Neil Simone, i cili është konsideruar si një ndër artistët më të suksesshëm amerikanë, u nda nga jeta në mesnatën e të dielës në një spital në New York, duke lënë pas një karrierë të ndritur që do të kujtohet nga të gjithë.
Ai është fituesi i çmimit “Pulitzer” dhe njihet nga të gjithë për komeditë “The Odd Couple”, “Barefoot in the Park”, “The Sunshine Boys” dhe “Brighton Beach Memorials”.
