Vokalistja e grupit “Huntress”, Jill Janus është ndarë nga jeta në moshën 43-vjeçare.
Anëtarët e grupit ku ajo bënte pjesë, në një deklaratë në faqen e tyre zyrtare kanë bërë një njoftim ku thuhet e këngëtarja ka bërë vetëvrasje ditën e martë.
Ata bëjnë të ditur se Jill prej kohësh vuante nga problemet mendore dhe të gjithë po shpresonin që ajo ta tejkalonte këtë situatë të vështirë, por që rezultoi fatale.
“Zemrat tona janë të thyera, ajo do të na mungojë më shumë sesa do ta kishte menduar ndonjëherë”, shkruhet ndër të tjera në deklaratën që ka bërë grupi.
“Huntress” u krijua në vitn 2010 dhe deri më tani kishin publikuar 3 albume dhe po përgatiteshin për të katërtin.
