Will.i.am ka folur për largimin e Fergie nga grupi “The Black Eyed Peas”. Kjo deklaratë ka ardhur përmes revistës “Ahlan”, ku Will.i.am ka thënë: “Sa i përket zëvendësimin, ajo çfarë di “The Black Eyed Peas” deri tani është se askush nuk do ta zëvendësojë Fergie”.
“Ajo është duke punuar në disa projekte “solo” momentalisht ndërsa ne po festojmë 20-vjetorin e “Black Eyed Peas”, duke publikuar muzikë të re”.
Reperi ka vijuar më tej duke thënë: “Ne kemi punuar disa këngë për karrierën e saj “solo”, ne jemi krenar që ajo ka shtëpinë e vetë diskografike, por “Black Eyed Peas” do vazhdojë më tej sa i përket teknologjisë dhe projektit të ri “Masters of The Sun”.
Fergie, e cila u bashkua me grupin si vokaliste në vitin 2002 dhe e ndihmoi të bëhet një nga grupet më të famshme të muzikës pop dhe hip-hop në botë, nuk ka komentuar.
“Që nga fillimi i “Black Eyed Peas”, ne kemi pasur gjithmonë vokalistë të mahnitshëm që u shfaqën në mikrofon me ne, persona si Macy Grey, Esthero, Debi Nova, Fergie. Në Elephunk, kishte disa femra që u shfaqën në atë album. Natyrisht Fergie ishte femra që paraqitej, por në këngë si ‘Let’s Get It Started’, është Noelle dhe pastaj Fergie, në këngën si ‘Latin Girls’, është Debi Nova dhe “Request Line”, është Macy Grey. Ne gjithmonë do të punojmë me femra të mira, e shpjegoi situatën Will.i.am.
