Mund të themi se Kylie Jenner u bë e famshme nga operacionet e saj plastike, disa prej të cilave nuk i pranon “gjallë në botë”.
Janë thënë kaq shumë teori në lidhje me buzët e saj, por vetëm sot 20-vjeçarja tregon motivin e vërtetë që e shtyu drejt kirurgjisë plastike.
Kanë qenë pikërisht disa komente krejtësisht pa vend të cilat ajo edhe sot i kujton si një traumë nga adoleshenca, që e shtynë të ndryshojë madhësinë e buzëve të saj.
“Isha vetëm 15-vjeçe dhe isha shumë e pasigurt për buzët e mia. I kisha shumë të holla…”- tregon Jenner duke sjellë ndërmend komentin e një djali që siç duket se ka harruar lehtë.
“Mbaj mend, ishte një nga puthjet e mia të para dhe ai më thotë: ‘s’mendoj se ti puth mirë, sepse buzët e tua janë mjaft të holla’. Por si mund ta thotë dikush këtë. E përjetova shumë keq dhe u ndjeva kaq e pasigurt me veten”, shprehet Kylie.
Adoleshentja pranon se pikërisht ai dhe reagime të tjera të këtij tipi e kanë shtyrë që të ndërhyjë duke rimodeluar buzët, por pranon se presioni i shoqërisë ka ndikuar negativisht në rritjen dhe vetëbesimin e saj.
Burimi: Harper’s Bazaar
