Të ka ndodhur ndonjëherë të dalësh me një mashkull, në dukje tërheqës, ndoshta interesant, pastaj përfundon duke e parë atë me sy gjysmë të mbyllur dhe e mërzitur vetëm në mes të takimit të parë? Nuk je e vetmja.
Nichi Hodgson, gazetarja shkrimtare e librit “Kuriozitetet e historisë së takimeve; nga Jane Austen te Tinder” pohon se, meshkujt nuk ndihen rehat përpara femrave të pavarura dhe në karrierë.
Sot, janë shtuar edhe më shumë femrat që ankohen se nuk po gjejnë mashkullin e duhur. Janë të shumtë ata që pohojnë se me ndryshimin e kohëve dhe roleve, duke mos qenë më gruaja ajo që duhet të qëndrojë në shtëpi për t’u kujdesur për gjërat e ‘dorës së dytë’, asnjë prej palëve nuk di sesi ta trajtojë e përballojë ndryshimin e gjeneratës së re.
Stereotipi me të cilin janë mësuar prej qindra vitesh, nuk është çrrënjosur ende nga mendjet e tyre.
Por a ekziston më sot raporti i mirë burrë e grua?
Ka ende shpresa, mirëpo përpjekja duhet të jetë më e madhe nga të dy palët, tashmë të modernizuar. Kjo nuk do të thotë të përshtatesh apo të ndryshosh për tjetrin, por ta pranosh atë. Sikur të provonim të gjithë të bashkëjetonim me gjeneratën e re, duke mos e mbajtur hundën kaq lartë, rezultatet mund të jenë më të mira.
Burimi: Cosmopolitan.it
