Është koha e kostumeve dhe veshjeve me pika, kështu që nuk është e çuditshme që disa nga trendet më të mëdha janë marrë nga vitet 1980.
Dhe tani zbulohet, pse një nga figurat më të mëdha të modës së kësaj dekade, Princeshë Diana, hoqi dorë nga mëngët e fryra dhe me fruda për një siluetë më të hollë.
Eleri Lynn, kuratorja që fshihet pas ekspozitës së re të gardërobës së Princeshës së Wales-it, mendon se kjo e fundit arriti të kuptonte që ato lloj veshjesh e bënin që të dukej keq në fotografi.
Duke shpjeguar pse Diana, princesha ndërroi jetë gjatë një aksidenti me makinë në 1997-n, u largua nga paraqitja “romantike”, Lynn thotë: “Mendoj se ajo e kuptoi që lulkat dhe frudat nuk dukeshin mirë në fotografitë e shtypit. I jepte një paraqitje të rrëmujshme dhe ne e dimë që ajo i lexonte komentet që u bënin. Kështu që gjatë asaj kohe dallohet ndryshim i vërtetë në siluetën e saj, e cila u bë më e sofistikuar dhe më e rafinuar”.
Ajo vlerësoi “natyrshmërinë” e gardërobës së princeshës për të thyer rregullat.
“Kur ajo mësoi rregullat e pashkruara të kodit të veshjes mbretërore, ajo nisi t’i thyente ato. Familja mbretërore tradicionalisht e vishte ngjyrën e zezë vetëm në vaki, por Diana praktikisht pëlqente ta vishte të zezën. Ajo i përshtatej shumë mirë, ishte 1.77 cm e gjatë, bionde dhe dukej shumë mirë me atë ngjyrë”.
Burimi: Daily Mail
