Bella Hadid është një nga fytyrat më të famshme në botë, por ata që janë të fiksuar pas supermodeles, ndoshta janë të mendimit se ajo buzëqesh rrallë.
Dhe tani Bella dëshiron që të sqarojë njëherë e përgjithmonë këtë keqkuptim, përmes një interviste të realizuar nga motra e saj Gigi, në revistën “Harper’s Bazaar”.
Bella thotë se njerëzit mund të habiten, por në fakt ajo nuk jeton një ditë pa buzëqeshur.
“Njerëzit gjithmonë thonë se kam të njëjtat shprehje të fytyrës. Por ajo që ata nuk kuptojnë është se, për një kohë të gjatë unë mësova që të dukesha në atë mënyrë, sepse fotografët më thonin të bëja një fytyrë që të dukem si e mërzitur ose shumë e pakënaqur. Por kjo nuk është domosdoshmërish, ajo që jam në të vërtetë. Ti më njeh, gjithë jetën. Që kur isha fëmijë, gjithmonë kam buzëqeshur”, i tha Bella motrës së saj më të madhe.
Kjo e fundit e pyet gjithashtu edhe për komentet negative që merr në mediat sociale.
“Ata shohin një pjesë shumë të vogël të jetës sonë, si fotot e paparacëve që na tregojnë duke dalë nga shtëpia. E di sa e çuditshme është ajo? Të dalësh nga shtëpia dhe të kesh mbi 40 persona që të presin jashtë. Dhe më pas të duhet t’u buzëqeshësh njerëzve të panjohur”, u shpreh modelja.
