Këngëtarja Fjolla Morina ka rënë në prangat e policisë në pikën kufitare të Morinës. Është mësuar se këngëtares i është gjetur në çantë një armë zjarri tip “Zoraki” me 23 fishekë dhe ajo ka tentuar të kalojë kufirin me të.
Policia ka arrestuar edhe dy persona të tjerë që shoqëronin këngëtaren, F.M dhe F.S të dy 29 vjeç, njëri banues në Kosovë e tjetri në Belgjikë. Uniformat blu kanë sekuestruar edhe një pistoletë lodër dhe thuhet se Fjolla është kapur në vijën e dytë të kontrollit në Morinë, ndërkohë që po udhëtonte me makinën e saj “Audi”.
Mbi këngëtaren dhe dy të arrestuarit e tjerë rëndon vepra penale “Trafikim i armëve dhe municionit”.
Përpara disa ditësh këngëtarja u surprizua nga një mashkull misterioz, i cili i dhuroi një makinë “Audi Q7”, që duhet të jetë e njëjta me të cilën ajo po udhëtonte në momentin e arrestimit. Morina nuk e zbuloi për asnjë sekonds identitetin e djalit, ndaj të gjithë dyshuan se ai mund të jetë partneri i saj i ri. Deri më tani nuk ka reagim as nga të afërm të Fjollës apo miq të saj, ndaj pritet të mësojmë në vijim më shumë detaje në lidhje me këtë ngjarje të bujshme.
