Bashkëshorti i reperes Nicki Minaj është arrestuar!
Kenneth Petty ishte në paraburgim të mërkurën pasi u vetëdorëzua pranë autoriteteve federale me arsyen se nuk kishte regjistruar veprën e tij penale për sulm seksual në shtetin e California-s pas zhvendosjes nga New York-u.
Problemet ligjore të Petty-t filluan në nëntor pasi u ndalua në rrugë nga Departamenti i Policisë së Beverly Hills. Në atë kohë, autoritetet përcaktuan se Petty ishte një shkelës ligji i regjistruar në shtetin e New York-ut, por ai nuk ishte regjistruar në California.
Të dhënat nga Departamenti i Sherifit të Los Angeles të marra nga “Fox News” tregojnë se Petty u arrestua në nëntor të vitit 2019 nga Departamenti i Policisë Beverly Hills, por nuk deklarojnë akuzat e ngritura kundër tij.
Pas arrestimit, Petty, 41 vjeç, u paraqit në gjykatë të mërkurën pas akuzave dhe u la i lirë.
Fillimisht, prokurorët donin ta vendosnin atë nën arrest shtëpiak, por avokati i tij kundërshtoi dhe tani do t’i kërkohet të veshë një monitor në këmbë.
Shkelja e Petty-t ka të bëjë me veprën penale “dhunim në tentativë i shkallës së parë”. Ngjarja ndodhi në vitin 1994 dhe në atë kohë, viktima ishte 16 vjeç, sipas USA Today.
Ai vuajti dënimin me katër vjet burg deri në janar të vitit 1999.
