Aktorja dhe këngëtarja e njohur Naya Rivera është arrestuar pas dhunës fizike që ka ushtruar ndaj bashkëshortit të saj, Ryhan Dorsey.
Dorsey ka thirrur policinë ditën e shtunë duke i kërkuar të arrestonin gruan e tij, pasi kjo e fundit e ka goditur ne kokë dhe në fytyrë, teksa ishin duke shëtitur me djalin e tyre 2-vjeçar.
Sherri ka nisur për djalin dhe me sa duket ka përfunduar me dhunë. Ryan ka dorëzuar në polici një video të sulmit dhe Naya është arrestuar rreth orës 9:30 të ditës së djeshme.
Aktorja nuk ka pranuar të flas mbi arsyet e këtij veprimi, por vetëm ka thënë se do të marrë një avokat. Pas ndërhyrjes së avokatit ylli i “Glee” u gjobit me 1000 dollarë dhe u la e lirë. Pas dënimit, nga komisariati atë e ka marrë vjehrri i saj.
