Niccolo Bettarini u përfshi në një përleshje fizike jashtë diskotekës “Old Fashion” në Milano, për të mbrojtur mikun e tij.
Djali 19-vjeçar i moderatores së njohur italiane Simona Ventura dhe Stefano Bettarini u dërgua menjëherë në spital të operohej, pasi u plagos 11 herë me thikë gjatë përleshjes.
Ishte nëna e tij Simona Ventura, e cila dha lajmin se Niccolo ndodhej jashtë rrezikut për jetën.
“Këtë mbrëmje, djali yne Niccolo u sulmua teksa po përpiqej të mbronte shokun e tij. Për fat të mirë, pasojat nuk janë serioze dhe ai po rikuperohet shpejt. Është një mrekulli, pas 11 plagëve që ka marrë në trup. Shpresoj shumë që fajtorët të sillen përpara drejtësisë.” – shkruanin Ventura dhe Bettarini në një deklaratë të përbashkët.
12 orë pas sulmit, Policia e Milanos ka vënë në pranga katër persona të dyshuar si autorët e sulmit. Bëhet e ditur se dy prej të arrestuarve janë me kombësi shqiptare, ndërsa dy të tjerët janë italianë. Të arrestuarit shqiptarë janë të moshës 23 dhe 29 vjeç, ndërsa dy italianët janë 24 dhe 29 vjeç.
Burimi: Huffingtonpost.it
