Me siguri e mbani mend historinë e Shimon nga dokumentarit hit i Netflix “The Tinder Swindler”. Armiqtë e mashtruesit më të famshëm të Tinder më në fund e paskan kapur atë. Simon Leviev, i cili pretendonte se ishte pjesë e një familjeje shumë të pasur që tregtojnë diamante, do të dalë në gjykatë në Izrael javën e ardhshme si pjesë e një padie të ngritur kundër tij nga familja reale Leviev.
Chagit Leviev, dhe vajza e manjatit izraelit të diamanteve Lev Leviev, thanë se – “Ne kemi vuajtur nga ‘Tinder Swindler’ për vite me radhë. Ne e dinim se ai po mashtronte kompanitë dhe gratë e tjera që kishin kontaktuar. Ne u përpoqëm shumë për ta bërë atë të ndalonte dhe ta raportonim në polici”.
Padia pretendon se Simon “mashtroi, falsifikoi dhe lëndoi gra, burra dhe biznese” në mbarë botën ndërsa “imitonte” një anëtar të familjes së tyre.
Ndërkohë, gratë e mashtruara në dokumentar, Cecilie Fjellhoy, Pernilla Sjoholm dhe Ayleen Charlotte, janë bashkuar me familjen Leviev për të krijuar një byzylyk të quajtur “Stronger Together” me të gjitha të ardhurat që shkojnë për të ndihmuar financiarisht gratë pasi ato ende janë në borxh deri në 700,000 dollarë.
Shimon Hayut, udhëtoi nëpër Evropë, duke u paraqitur si djali i manjatit ruso-izraelit të diamanteve Lev Leviev. Ai përdori aplikacionin e takimeve Tinder për të kontaktuar gratë me emrin fals Simon Leviev, dhe i mashtroi që t’i huazonin para që ai nuk do t’i kthente kurrë. Ai do t’i magjepste gratë me dhurata luksoze dhe do t’i çonte në darka me avionë privatë duke përdorur paratë që kishte marrë hua nga gra të tjera që i kishte mashtruar më parë. Më vonë ai do të pretendonte se ishte në shënjestër të “armiqve” të tij, duke i dërguar shpesh të njëjtat mesazhe dhe imazhe për secilën grua, duke treguar se sapo ishte sulmuar me thikë, por se truproja e tij e kishte shpëtuar dhe ishte lënduar. Më pas ai u kërkoi viktimave të tij që ta ndihmonin financiarisht për shkak të shkeljes së sigurisë, që supozohej se pengonte përdorimin e kartave të tij të kreditit dhe llogarive bankare.
